Evdə təhsil üçün 20 manat veriləcək

Ümumtəhsil məktəblərində evdə təhsilə cəlb olunanların valideynlərinə və ya digər qanuni nümayəndələrinə uşaqlarını sağlamlıq və reabilitasiya mərkəzlərinə, eyni zamanda tibb müəssisələrinə aparıb-gətirmək üçün ayda 20 manat müavinət ödəniləcək.

Təhsil Nazirliyindən Modern.az saytına verilən məlumata görə, Nazirlər Kabinetinin 2015-ci il 15 aprel tarixli 108 nömrəli qərarına uyğun olaraq, müavinətlər fevral ayından hesablanacaq və onların ödənilməsi yerli təhsil qurumları tərəfindən həyata keçiriləcək.