Bu yol bağlıdır - XƏBƏRDARLIQ

 

Axar.az xəbər verir ki, kişilər və qadınlar arasında triatlon yarışları ilə əlaqədar bu gün Bilgəh qəsəbəsində yol saat 08:30-dan məhdudlaşdırılıb. Məhdudiyyət saat 18:30-a qədər davam edəcək.  

 

Nəqliyyatı İntellektual İdarəetmə Mərkəzindən verilən məlumat görə, sürücülər Bilgəh qəsəbəsinin yerli yol şəbəkəsindən və Aslan Salahzadə küçəsindən istifadə edə bilərlər.

 

Qeyd olunan vaxt ərzində şəhər mərkəzi və Nardaran qəsəbəsi istiqamətində hərəkət üçün sürücülərə Buzovna-Maştağa-Nardaran yolundan istifadə etmələri tövsiyə olunur.

 

Xatırladaq ki, yol bağlanmaları və Bakı-2015 Avropa Oyunları zamanı nəqliyyat haqqında ən son məlumatları əldə etmək üçün aşağıdakı mənbələrə müraciət etməyiniz xahiş olunur:

 

- Bakı 2015 internet səhifəsi (www.baku2015.com);  

- Bakı 2015 Tamaşaçı Məlumat Mərkəzi – 2015 nömrəsinə zəng etməklə əlaqə saxlamaq olar;  

- Azərbaycan Respublikası Nəqliyyat Nazirliyi (http://mot.gov.az/), Azərbaycan Respublikası Baş Dövlət Yol Polisi İdarəsi (http://dyp.gov.az/) və Bakı şəhər İcra Hakimiyyətinin (www.baku-ih.gov.az) internet səhifələri;  

- Radio dalğası (107.7 FM), internet səhifəsi (www.niim.az) və Feysbuk səhifəsi (https://www.facebook.com/niim.gov.az?fref=ts) də daxil olmaqla, NİİM-in məlumat kanalları