ABŞ prezidenti Barak Obama ölkənin sabiq 41-ci prezidenti Corc H. W. Buşu (ata) ziyarət edib.ANS PRESS-in xəbərinə görə, bu barədə ABŞ-ın birinci xanımının sosial şəbəkədəki səhifəsində məlumat verilib. Sabiq dövlət başçısının ad günü münasibəti ilə baş tutmuş ziyarətdə prezident Obamanı həyat yoldaşı Mişel Obama da müşayiət edib. Sonda Barak Obama, həyat yoldaşı Mişel Obama, sabiq prezident Corc Buş və həyat yoldaşı Barbara Buş xatirə fotosu çəkdiriblər. Tvitter səhifəsində yayılan şəklin üstündə, “90-cı ad gününüz mübarək olsun prezident” – yazılıb. Qeyd edək ki, foto şəkildə eks prezidentin qırmızı cizgili və taykeş corabları da diqqəti cəlb edib. ANN.Az