Əmanətlərin Sığortalanması Fondu (ƏSF) ləğv prosesində olan "DəmirBank” ASC-də qorunan əmanətlər üzrə kompensasiyaların ödənilməsinə fevralın 1-dən başlayıb və 1 ay ərzində 43,2 milyon manatdan artıq kompensasiya ödəyib.
Bu barədə ƏSF-nin mətbuat xidmətindən Modern.az-a verilən məlumatda bildirilib.
Qeyd edilib ki, ləğv prosesində olan "DəmirBank” ASC-də qorunan əmanətlər üzrə kompensasiyaların ödənilməsində yenilik tətbiq edib. Belə ki, Azərbaycan Respublikasının iqtisadiyyatında nağdsız dövriyyənin həcminin yüksəldilməsi və ödəniş kartları bazarının inkişaf etdirilməsi istiqamətində həyata keçirilən islahatları nəzərə alaraq, ləğv prosesində olan "DəmirBank” ASC-də qorunan əmanətlər üzrə kompensasiyalar ilk dəfə olaraq nağdsız qaydada "Kapital Bank” ASC-nin adlı debet kartları və "Xəzri” sürətli pul köçürmə sistemi vasitəsilə ödənilir. Bu addım ödəniş prosesinin şəffaf keçirilməsinin bariz nümunəsidir və qorunan əmanətçilər tərəfindən rəğbətlə qarşılanır. Kompensasiyaların ödənilməsi "KapitalBank” ASC-nin 26 filialında aparılır.
Ləğv prosesində olan "Dəmir Bank” ASC-də qorunan əmanətçilər kompensasiyaların ödənilməsi üçün 1 (bir) il müddətində müraciət edə bilərlər.
www.anews.az
Bizi sosial şəbəkələrdə izləyin !
