Ermənistan hökuməti Azərbaycana qarşı hərbi əməliyyatların aparılması üçün könüllü qadınları səfərbər edir. Modern.az saytı xəbər verir ki, bu barədə "Report" erməni mətbuatına istinadən məlumat yayıb.
Bildirilir ki, təqribən bir həftə əvvəl Ermənistanın paytaxtı İrəvanda yaşı 18-dən 30-a qədər olan 170 könüllü üçün hazırlıq kursları açılıb. Özü də onların böyük hissəsinin qızlar olduğu vurğulanır.
"Qadınlar da orduda xidmət etməlidirlər”, – deyə kursların rəhbəri və məşqçisi Vova Vardanov bildirib və buna səbəb kimi ölkə əhalisinin sayının azalmasını göstərib.
Özü 50 yaşlı Dağlıq Qarabağ müharibəsi veteranı olan Vardanov Ermənistanda qadınların orduda xidmət etməli olduğunu təlqin edən İsveçrə və ya İsrail modelinin tətbiqinin tərəfdarıdır.
"Biz etiraf etməliyik ki, Azərbaycan Ermənistana nisbətdə daha müasir texnikaya sahibdir. Bizdə yalnız Sovet ordusundan qalanlardır”, – deyə orduda islahatların aparılması mövqeyindən çıxış edən Vardanov bildirib.
www.ann.az
Bizi sosial şəbəkələrdə izləyin !
