Azərbaycanda siqaret yenidən bahalaşdı

Bu barədə haqqin.az-a ticarət şəbəkələrinin əməkdaşları məlumat verib.

Məlumata görə, qiymət artımı demək olar ki, bütün siqaret markalarına şamil edilib. Orta hesabla siqaretlərin bir qutusu markasından asılı olaraq 0,5-0,8 manat bahalaşıb.

Belə ki, "Sobranie” siqaretinin bir qutusu indi 4,3 manatadır, halbuki dünən 3,7 manata idi. Bu markadan olan siqaretin bir qutusu dekabr devalvasiyasına qədər 2,5 manata satılırdı.

"Winston” markalı siqaretlər də 3,2 manata qədər bahalaşıb, dünən bu siqaretin bir qutusu 2,8 manata satılırdı.