Neft Fondu sərmayələrin həcmini artırdı

Azərbaycan Respublikası Dövlət Neft fondu (SOFAZ) daşınmaz əmlak fondlarına sərmayə qoymağa başlayıb. 

Fonddan ANS PRESS-ə verilən məlumata görə , daşınmaz əmlaka qoyula biləcək sərmayələrin payı 5-dən 10 faizədək artırılıb.

Fonddan bildiriblər ki, SOFAZ-ın bu sahədə məqsədi aşağı riskli və ya orta dərəcəli riskli daşınmaz əmlaka sərmayə qoymaqla portfelin şaxələndirilməsinə nail olmaqdır:

"Bu sərmayələrin başlamasınadək SOFAZ-ın son məqsədi bir sıra istiqamətləri əks etdirən geniş şaxəli portfelin yaradılması olub. SOFAZ, həmçinin daşınmaz əmlaka investisiya yatırmağa başlayıb. Neft fondu üçün bu investisiyalar gəlirliliyin artması üçün vacib vəsait olacaq".

SOFAZ ilk dəfə olaraq 2012-ci ildə London və Moskvada elit daşınmaz əmlaklar alıb, eləcə də Fond tərəfindən Paris, Yaponiya, Milanda daşınmaz əmlaklara investisiyalar həyata keçirilib.

Azərbaycan Respublikası Dövlət Neft Fondu 1999-cu ildə təsis edilib. Hazırda Fondun İcraçı direktoru Şahmar Mövsümovdur . 

Dövlət Neft Fondunun 2016-cı il üçün təsdiq olunmuş büdcəsinə uyğun olaraq, 2016-cı ildə Fondun gəlirlərinin 6 711 564,1 min manat, xərclərinin isə 8 181 399,7 min manat təşkil etməsi nəzərdə tutulur. 
www.ann.az