Ümumdünya Turizm Təşkilatının Baş katibi Bakıya gələcək

Ümumdünya Turizm Təşkilatının Baş katibi Taleb Rifai martın 5-də Bakıya gələcək.

Bu barədə Mədəniyyət və Turizm Nazirliyindən Oxu.Az-a bildirilib.

Məlumata görə, martın 5-6-da Bakı şəhərində keçiriləcək Səyahət, turizm və qonaqpərvərlik sahələrinin "Davos Forumu” sayılan Lüsern Dünya Turizm Forumunun Beyin Mərkəzinin (Think Tank) növbəti toplantısında Birləşmiş Millətlər Ümumdünya Turizm Təşkilatının (BMÜTT) Baş Katibi Taleb Rifainin iştirakı nəzərdə tutulub.

Rifaini mədəniyyət və turizm naziri Əbülfəs Qarayevlə, habelə digər yüksək səviyyəli şəxslərlə görüşlərinin keçirilməsi planlaşdırılır.
www.ann.az