Bakı-Sumqayıt qatarının hərəkət cədvəli dəyişdirilir

Bəzi texniki səbəblərə görə mart ayının 28-dən etibarən Bakı-Sumqayıt marşrutu ilə hərəkət edən elektrik qatarlarının hərəkət cədvəlində dəyişiklik ediləcək.

 

Bu haqda ANN.az saytına"Azərbaycan Dəmir Yolları” Qapalı Səhmdar Cəmiyyəti mətbuat katibliyinin rəisi Nadir Əzməmmədov məlumat verib. O, qeyd edib ki, saat 14:30-da Bakıdan, saat 15:50-də Sumqayıtdan yola düşən qatarların vaxtı bəzi texniki səbəblərə görə dəyişdiriləcək: "Həmin qatar saat 16. 00-da Bakı-sərnişin stansiyasından yola düşəcək, saat 16-40-da Sumqayıt-sərnişin stansiyasına çatacaq, saat 17:00-da Sumqayıt-sərnişin stansiyasından yola düşəcək və saat 17-40 –da Bakı-sərnişin stansiyasına çatacaq. Beləliklə, Bakı-Sumqayıt elektrik qatarları Bakı sərnişin stansiyasından saat 05:00, 05:20, 05:35, 05:50, 08:00, 08:50, 16:00, 17:25, 18:20, 18:40, 19:15 və 19:50-də, Sumqayıt-sərnişin stansiyasından 06:50, 07:25, 07.45, 08:00, 08:50, 09:40, 17:00, 18:20, 19:30, 20:05, 20:40 və 21:00-da yola düşəcək”. N.Əzməməmmdov bildirib ki, Bakı-Sumqayıt-Bakı marşrutu ilə hərəkət edən elektrik qatarlarının hərəkət cədvəlində dəyişikliklər olduqca, KİV vasitəsilə vətəndaşlara məlumat veriləcək.

 

Bakı-Sumqayıt elektrik qatarlarının hərəkət cədvəli

«28» mart 2016-cı ildən