Özəlləşdirilmə niyə bütün dövlət müəssisələrinə şamil edilmir?

"Kiçik müəssisələri xarici investitorlar nə etsin? Daha bir məqam isə defakto sahibi olan həmin müəssisələr də dövlətin balansında olsa da, onları işlədən qruplar var idi. Keçirilən hərrac vasitəsilə defakto mülk sahiblərinin müəssisələrinin bir növ rəsmiləşdirilməsi prosesi həyata keçirilir”.

"Bizdə keçirilən hərrac qaydaları heç bir beynəlxalq praktikaya əsaslanmır. Ciddi şəkildə televiziya kanallarında işıqlandırılmır. Aydınlaşdırılmır ki, hərrac hansı qaydalar əsasında keçirilir. Bu proseslər baş vermirsə, biz hansı düzgün şəkildə keçirilən hərracdan danışırıq?”, - deyə ekspert əlavə edib.

 

"Ciddi xarici investitorlar ölkədə iri şirkətlərin özəlləşdirilməsində maraqlı ola bilərlər. "AZAL”, "Azərsu” ASC kimi qurumların bir hissəsinin özəlləşdirilməsi nümunə kimi göstərmək olar. Xarici investitorlar şəffaf qaydalar istəyir və yeni qaydaların tətbiqini tələb edir. Azərbaycanın Ümumdünya Ticarət Təşkilatına (ÜTT) üzvlüyü, oranın hüququnu qəbul etməsi, gələcəkdə yarancaq problemlərin beynəlxalq məhkəmələrdə həll olunması perspektivi və.s bütün bu məsələlər xarici investitorlar üçün çox vacib məsələlərdir. Ona görə də, Azərbaycan onları cəlb etmək və yaxud da iri şirkətləri özəlləşdirmək istəsə, ciddi struktur və idarəetmə dəyişikliyi etmək lazım olacaq. Hazırda isə bu istiqamətdə addımlar atılmır”.  

"Hərraca çıxarılan müəssisələrin ancaq kiçik qurumlar olduğunu deməzdim. Elə müəssisələr var ki, onları Komitə hərraca çıxarır. Ölkə başçısının imzaladığı fərmana uyğun olaraq, elə müəssisələr var ki, onlar nazirlər kabineti tərəfindən hərraca çıxarıla bilər”.  

Komitə rəsmisi daha iri dövlət müəssisələrinin özəlləşdirilməsi sualına cavab verməkdən imtina etdi.  

Qeyd edək ki, prezident İlham Əliyevin dövlət aktivlərinin özəlləşdirilməsi ilə bağlı fərmanından sonra Rusiya mətbuatına açıqlamasında SOCAR-ın özəllədirilməyəcəyini demişdi: 

"SOCAR dövlətin strateji aktivdir. Bu səbəbdən də, onun özəlləşdirilməsindən söhbət gedə bilməz”.