Azərbaycan iqtisadiyyatına investisiya qoyuluşu azalıb

"Report"un rəsmi statistikaya əsasən verdiyi xəbərə görə, sərmayə qoyuluşu əvvəlki ilin müvafiq dövrünə nisbətən müqayisəli qiymətlərlə 26,3% azalıb.

Sərmayələrin 9 593,3 mln. manatı və ya 80,7%-i məhsul istehsalı obyektləri, 1 807,8 mln. manatı və ya 15,2%-i xidmət sahələri obyektləri, 488,1 mln. manatı və ya 4,1%-i isə ümumi sahəsi 1 373,8 min kv. metr olan yaşayış evlərinin tikintisinə sərf olunub.

Ümumi sərmayənin 32,7%-i dövlət, 67,3%-i qeyri-dövlət sektorunun sərmayədarlarının payına düşüb. Əsas kapitala yönəldilmiş vəsaitlərin 72,4%-i tikinti-quraşdırma işlərinə sərf edilib.

Daxili mənbələrdən əsas kapitala yönəldilmiş vəsaitin dəyəri ümumi sərmayənin 40,9%-ni əhatə edib.

Əsas kapitala yönəldilmiş sərmayədə müəssisə və təşkilatların vəsaitləri 8 168,4 mln. manat, bank kreditləri 1 265,6 mln. manat, büdcə vəsaitləri 1 634,8 mln. manat, büdcədənkənar fondların vəsaitləri 125,5 mln. manat, əhalinin şəxsi vəsaitləri 431,6 mln. manat təşkil edib.