Banklar düzgün işləsəydi, buna ehtiyac olmazdı - EKSPERT
23.11.2016 17:35
Azərbaycanda borc məsləhət mərkəzləri yaradıla bilər.
ANN.Az xəbər verir ki, bunu mətbuata açıqlamasında Beynəlxalq Maliyyə Korporasiyasının Azərbaycan üzrə direktoru Aliyə Əzimova deyib. Onun sözlərinə görə, bu mərkəzlərin yaradılması həddən artıq borclanmanın qarşısını almaqda mühüm rol oynayacaq.
Azərbaycanda borc məsləhət mərkəzləri yaradılması bank sektoruna necə təsir göstərəcək?
Qalib Toğrul - iqtisadçı
İqtisadçı-ekspert Qalib Toğrul ANN.Az-a açıqlamasında bu işin bank sektorunun həll etməli olduğunu bildirib:
"Belə mərkəzlərin yaradılması çox gözəl addımdır. Vətəndaşlara, müəssisələrə, fiziki və hüquqi şəxslərə məsləhətlər verə bilərlər. Həmçinin, bank sektoruna da köməkçi bir mərkəz ola bilər. Ancaq cəmiyyətdə ifrat dərəcədə borclanma yaranırsa, bunun əsas səbəbi bank sektorunun düzgün formada işləməməsidir. Borc məsləhət mərkəzlərinin yaradılması bank sektorunun məsuliyyətsizliyindən irəli gəlir. Əgər bank sektoru kredit verdikdə borcların qaytarılma risklərini düzgün qiymətləndirib qərar qəbul edə bilsəydi, bu cür mərkəzlərə ehtiyac olmazdı. Bu işi bank sektorunun özü həyata keçirməli idi”.
"Borc məsləhətləşmə mərkəzlərinin yaradılması o demək deyil ki, bank sektoru bundan sonra düzgün qərar qəbul edəcək, yox. Hər şeydən əvvəl bu sektorun təməli düzgün qoyulmalıdır”, - deyə ekspert əlavə edib.
Orxan Aslanlı
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
