Problemli kreditlər ilə bağlı – HESABAT

"APA-Economics" Azərbaycan Mərkəzi Bankının açıqladığı statistikaya istinadən xəbər verir ki, bu ilin sentyabr ayı ilə müqayisədə oktyabrda problemli kreditlərin həcmi 221,7 mln. manat və ya 13,9% azalıb.

Hesabat dövründə milli valyutada 8 mlrd. 509,5 mln. manatlıq kredit verilib ki, bunun da 632,3 mln. manatının və ya 7,43%-nin ödəmə vaxtı gecikir. Bu müddətdə xarici valyutada 7 mlrd. 310,5 mln. manatlıq kredit verilib. Xarici valyutada problemli kreditlərin həcmi 743,3 mln. manat və ya 10,2% təşkil edir. Ümumiyyətlə, manatda vaxtı keçmiş kreditlərin ümumi problemli kreditlərin həcmində çəkisi 45,9%, xarici valyutada isə bu göstərici 54,03% təşkil edir.

Onu da qeyd edək ki, oktyabrda vaxtı keçmiş kreditlərin həcmi ümumi kredit qoyuluşlarında xüsusi çəkisi 8,7% təşkil edir. Xatırladaq ki, sentyabrda bu göstərici 9,51% olub.