Azərbaycanın yeni yaradılacaq milli aviaşirkətin statusu müəyyənləşdi
20.12.2016 10:24
Nazirlər Kabineti "Azərbaycan Hava Yolları” Qapalı Səhmdar Cəmiyyətinin Nizamnaməsinin və strukturunun təsdiq edilməsi haqqında” qərarında dəyişiklik edib.
ANN.Az APA-ya istinadən xəbər verir ki, dəyişikliyə əsasən, "BUTA AIRWAYS” Sərnişin Aviaşirkəti "Azərbaycan Hava Yolları” (AZAL) Qapalı Səhmdar Cəmiyyətinin tabeliyində olan qurumların siyahısına daxil edilib.
AZAL-a bu qərardan irəli gələn məsələləri həll etmək tapşırılıb.
Qeyd edək ki, dekabrın 14-də AZAL-ın İdarə Heyətinin iclasında Azərbaycanın "BUTA AIRWAYS” adlandırılan aşağı büdcəli aviadaşıyıcısının yaradılması barədə qərar qəbul edilib.
Yeni büdcə aviaşirkətinin AZAL-ın 100 faizlik törəmə şirkəti olacağı və aviaşirkətin Heydər Əliyev Beynəlxalq Hava Limanında yerləşəcəyi açıqlanıb.
"BUTA AIRWAYS” aviaşirkətinin özünəməxsus livreyada” "Embraer” təyyarələri əsasında yaradılmış öz donanması, öz işçi ştatı və müstəqil tarif siyasəti olacaq. AZAL "BUTA AIRWAYS” aviaşirkətinin uçuşlarının artıq 2017-ci ilin payızında başlayacağının gözlənildiyini də açıqlayıb.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
İqtisadiyyat 15:31
Azercell-in “Oflayn Qadınlar” layihəsi iki beynəlxalq festivalda beş mükafat qazanıb
Son xəbərlər 
Daha çox 
Foto
Video
