Azərbaycanın Avropa Bankına borcu artdı
20.02.2017 13:30
Avropa Yenidənqurma və İnkişaf Bankının (AYİB) Azərbaycan üçün indiyədək ayırdığı vəsaitlərin ümumi həcmi 2016-cı ilin dekabr ayı ərzində 28 mln. avro, yaxud 1,06% artaraq 2017-ci il yanvarın 1-nə 2 mlrd. 660 mln. avroya yüksəlib.
ANN.Az "Report”a istinadən xəbər verir ki, bankın Azərbaycanda maliyyələşdirdiyi layihələrin sayı da artaraq 160-dan 161-ə çatıb. Bunun strukturunda özəl sektorun payı isə 2% bəndi azalaraq 52%-ə düşüb.
Məlumata görə, Azərbaycanın banka ödənişlərinin həcmi 33 mln. avro, yaxud 1,76% artaraq 1 mlrd. 906 mln. avroya çatıb.
AYİB-in Azərbaycandakı əməliyyat aktivləri isə 40 mln. avro və yaxud 6,38% azalaraq 587 mln. avroya düşüb. Bankın ölkədə maliyyələşdirdiyi layihələr üzrə cari portfel isə 46 mln. avro, yaxud 4,55% azalaraq 966 mln. avroya bərabər olub.
Qeyd edək ki, AYİB-in Azərbaycanda aktiv layihələrinin sayı da 1 vahid azalıb. Hazırda bank Azərbaycanda 56 aktiv layihədən ibarət portfelə malikdir.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 15:31
Azercell-in “Oflayn Qadınlar” layihəsi iki beynəlxalq festivalda beş mükafat qazanıb
Son xəbərlər 
Daha çox 
Foto
Video
