Azərbaycan neftinin qiyməti bahalaşıb

CIF bazisi üzrə İtaliyanın Augusta limanı şərtləri ilə Azərbaycanın yüngül neftinin qiyməti iyulun 27-də 52,5 dollar/barel təşkil edib ki, bu da çərşənbə gününə olan göstəricidən 0,7 dollar/barel çoxdur.

Anews.az-ın xəbərinə görə, bu barədə Trend-ə ölkənin neft-qaz bazarındakı mənbə bildirib.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti iyulun 27-də 51,93 dollar/barel təşkil edib ki, bu da əvvəlki qiymətdən 0,7 dollar/barel çoxdur.

Novorossiysk limanından yüklənən URALS neftinin qiyməti iyulun 27-də 49,51 dollar/barel təşkil edib ki, Trend-ə görə, bu da əvvəlki qiymətdən 0,77 dollar/barel çoxdur.

Şimal dənizindən hasil edilən "Brent Dated” etalon növlü neftin qiyməti isə iyulun 27-də 50,74 dollar/barel təşkil edib. Bu, əvvəlki qiymətdən 0,65 dollar/barel çoxdur.
www.anews.az