Avtomobil yanacağından əldə olunan gəlir açıqlandı

2017-ci ilin yanvar-iyul aylarında pərakəndə ticarət dövriyyəsində avtomobil yanacağından 940,9 milyon manat  gəlir əldə edilib. Bu da 2016-cı ilin müvafiq dövrünə nisbətdə 0.4 faiz azdır.

anews.az Dövlət Statistika Komitəsinə istinadən xəbər verir ki, hesabat dövründə istehlakçıların pərakəndə ticarət şəbəkələrində xərclədiyi vəsaitin 5,0 faizi avtomobil yanacağının payına düşüb.

Yeddi ayda ölkədə 1 milyon 125 min ton dizel yanacağı, 730,1 min ton avtomobil benzini istehsal edilib.

Dizel yanacağının istehsalı 16,8% azalıb, avtomobil benzini istehsalı 7,2% artıb.
www.anews.az