“Ukrtransnafta” bu ay 37 min ton Azərbaycan neftini satışa çıxarmağı planlaşdırır
04.09.2017 17:30
Kremençuq zavodunda saxlanılan əmtəə neftinin hamısı satışa çıxarılacaq.
Bu ay ərzində "Ukrtransnafta” Kremençuq Neft Emalı Zavodunda (NEZ) saxlanılan 37 min ton həcmindəki "Azeri Light” markalı neftin hamısını satışa çıxarmağı planlaşdırır.
"Report” xəbər verir ki, bu barədə "Enkorr” saytına "Ukrtransnafta” şirkətinin baş direktorunun I müavini Andrey Pasişnik bildirib.
"Hazırda Kremençuq zavodunda 37 min ton "Azeri Light” markalı əmtəə nefti saxlanılır. Səhmdarların yığıncağında alınan qərara əsasən bu həcmi satmalıyıq.
Bütün həcmin sentyabr ayı ərzində satışa çıxarılması nəzərdə tutulur. Buna görə də hər həftə 12 min, 12 min, 13 min ton olmaqla bütün həcmi birjaya çıxarmağı planlaşdırırıq”, - o qeyd edib.
Məlumata görə, sentyabrın 5-i üçün nəzərdə tutulan ticarət bülletenində qeyd edilib ki, "Ukrtransnafta” Ukrayna Energetika Birjasında "Azeri Light” markalı 12 min ton nefti satışa çıxarıb. Hərracın əvvəlki kimi diferensial rejimdə keçirilməsi gözlənilir. Həcm 2 min və 10 min ton olmaqla iki lota bölünüb.
Azərbaycan nefti Kaqamlık dəmiryolu stansiyasında (Kremençuq Neft Emalı Zavodu) FCA (Free Carrier) şərtləri ilə satılır. Resurs sentyabrın 14-dən oktyabrın 14-dək daşınacaq.
Qeyd edək ki, "Ukrtransnafta” şirkəti Ukraynada neft nəqliyyat sisteminin operatorudur.
www.anews.az
Telegram
Bizi Teleqramda izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
