Azərbaycan Çin bazarına rekord məbləğdə pul yatırır

Azərbaycan Mərkəzi Bankı (AMB) Asiyanın qiymətli kağızlar bazarına 1 milyard dollar yerləşdirməyi planlaşdırır.ANS PRESS-in məlumatına görə, bunu bazar ertəsi jurnalistlərə AMB-nin İdarə Heyətinin sədr müavini Aftandil Babayev deyib.Onun sözlərinə görə, Çin bazarı xüsusi qaydalarla tənzimlənir və AMB bu bazara çıxmaq üçün xüsusi müqavilə bağlayıb: "Asiyanın digər bazarlarına vəsaitlərin yerləşdirilməsi isə əcnəbi menecerlər vasitəsilə həyata keçiriləcək".A.Babayev qeyd edib ki, ümumilikdə 1 milyard dollar yerləşdiriləcək: "500 milyon dollar tərəfimizdən müqavilə əsasında Çin bazarında, qalan 500 milyon dollar isə xarici menecerlər vasitəsilə Asiyanın digər bazarlarında yerləşdiriləcək".AMB-nin maraq dairəsində əsasən İndoneziya, Malayziya, Sinqapur və Cənubi Koreya bazarlarıdır.Qeyd edək ki, AMB Çin bazarında 500 mln. dollar, digər Asiya bazarlarında xarici menecerlər vasitəsilə 500 mln. dollar məbləğində qiymətli kağızlar əldə etmək niyyətindədir.ANN.Az