İşğaldan azad olunan ərazilərdə "yaşıl zona" yaradılacaq

 

"İlkin qiymətləndirmələrə əsasən regionda 4 min meqavatdan çox günəş, 500 meqavatadək  külək enerjisi potensialı mövcuddur. Günəş enerjisi potensialı ilə Füzuli, Cəbrayıl, Zəngilan rayonları, külək enerjisi ilə isə əsasən dağlıq rayonlar olan Laçın, Kəlbəcər rayonları zəngindir. Eyni zamanda Azərbaycanda su ehtiyyatlarının 25%-ə qədəri də Qarabağ ərazisində formalaşır. O ərazilərdə kiçik su elektrik stansiyaları mövcud olub, daha sonra düşmən tərəfindən dağıdılıb. Hazırda bərpa işləri aparılır. Bir neçə stansiya artıq bərpa olunub. Misal üçün Güləbird stansiyasının adını çəkə bilərik" - deyə, nazirlikdən verilən məlumatda qeyd olunub.

Qeyd edilən layihə çərçivəsində sahə üzrə beynəlxalq təcrübə araşdırılır. Yaponiya da daxil olmaqla müxtəlif ölkələrin təcrübəsinə baxılır. Eyni zamanda, qeyd etmək lazmdır ki, Energetika Nazirliyi və bp arasında Zəngilan/Cəbrayıl zonasında 240 MVt gücündə günəş elektrik stansiyasının tikintisi layihəsinin qiymətləndirilməsi və həyata keçirilməsi fəaliyyəti üzrə əməkdaşlığa dair İcra Müqaviləsi imzalanıb.