OPEC+ görüşü çərçivəsində neft yenidən bahalaşıb
04.11.2021 17:15
OPEC+ formatının bu gün axşam keçiriləcək növbəti iclası ərəfəsində dünya bazarında neft qiymətləri bir qədər artıb.
Günorta saatlarında keçirilən hərraclarda "Brent” markalı neftin yanvar fyüçersləri 1,48% bahalaşaraq 82,42 ABŞ dollarından, "WTI” markalı neftin dekabr fyüçersləri isə 1,17% bahalaşaraq 81,81 dollardan satılıb. Əvvəlki hərracda isə hər iki marka müvafiq olaraq 3,2% və 3,6% ucuzlaşmışdı. Bu da ABŞ-da neft ehtiyatlarının gözlənildiyindən daha çox artmasına dair rəsmi açıqlamanın təsiri ilə baş verib.
"Çox güman ki, OPEC+-un sonrakı addımları ətrafında söz-söhbət qızışdıqca qiymətlərin tərəddüdü davam edəcək. Əgər alyans gözlənildiyi kimi gündəlik hasilatı 400 min barel artırmaq qərarına gəlsə, onda qiymətlər yenidən artacaq” – deyə "VI Investment” şirkətinin xammal eksperti Uill Sunqçil Yun "Bloomberg”ə bildirib.
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
