Azərbaycanın İtaliyaya ixrac etdiyi qazın həcmi açıqlandı

"Hesabat dövründə Azərbaycandan 2 milyard 486 milyon 160,26 min dollar (artım 7 dəfə)məbləğındə bəyan edilmiş qaz ixrac edilib. Hesabat dövründə qaz ixracının Azərbaycanın ümumi ixracında payı 41,66%-ni təşkil edib”, -  komitədən bildirilib.

Komitənin məlumatına görə, yanvar-fevralda ən çox qaz ixracı İtaliyanın payına düşüb. Bu ölkəyə 1 milyard 757 milyon 834,28 min dollar dəyərində  1 milyard 464 milyon 457,46 min kubmetr (bütün ixracın 36,9% qədər) qaz satılıb. 

Dövlət Gömrük Komitəsi ixracın statistikasını bəyannamə əsasında aparır. Satılan qazla bağlı bəyannamə onun boru kəmərləri ilə vurulduğu vaxt deyil, faktiki satışdan sonra tərtib olunur. 

Azərbaycan Energetika Nazirliyinin proqnozlarına əsasən, 2022-ci ildə Azərbaycan qazının Cənub Qaz Dəhlizi vasitəsilə Türkiyəyə ixracı 8,2 milyard kubmetr, Avropaya isə 9,1 milyard kubmetr təşkil edəcək.

2021-ci ildə Azərbaycan 19,2 milyard kubmetr qaz ixrac edib. Onun da 8 milyard kubmetrdən çoxu Avropanın payına düşüb.

Azərbaycan qazının TAP qaz kəməri ilə İtaliya, Yunanıstan və Bolqarıstan ixracı 2020-ci il dekabrın 31-dən başlayıb.

Bundan əlavə, Azərbaycan  Türkiyəyə və Gürcüstana qaz ixrac edir.Bu ilin iki ayında Türkiyəyə 1,477535,46 min kubmetr, Gürcüstana  isə  808299,14 min kubmetr qaz ixrac olunub. 

Yunanıstan ilin əvvəlindən 160488,84 minkubmetr, Bolqarıstan isə 52885,8 min kubmetr Azərbaycan qazı alıb.