Azərbaycanın Türkiyəyə ixrac etdiyi qazın həcmi açıqlandı

" TANAP istifadəyə verildiyi andan 2022-ci il aprelin 1-nə bu qaz kəməri ilə 26,13 milyard kubmetr qaz nəql edilib. 2022-ci ilin birinci rübündə TANAP qaz kəməri ilə Türkiyə və Avropa bazarlarına 4,01 milyard kubmetr qaz çatdırılıb”, - Nacaf sosial media hesabında yazıb.

2022-ci ildə Azərbaycan  TANAP vasitəsilə Türkiyə və Avropaya 16,2 milyard kubmetr qaz ixrac etmək niyyətindədir. 2021-ci ildə bu kəmərlə 13,73 milyard kubmetr qaz nəql edilib. Beləliklə, 2022-ci ildə ixrac 18% artıb.

Azərbaycan 2021-ci ildə ümumilikdə 19,2 milyard kubmetr qaz ixrac edib.

2018-ci il iyunun 12-də TANAP qaz kəmərinin (Gürcüstan-Türkiyə sərhədindən Eskişehirə qədər) birinci mərhələsinin istifadəyə verilməsi mərasimi keçirilib. Həmin il iyunun 30-da TANAP vasitəsilə Azərbaycan qazının ixracına başlanılıb.

SOCAR-ın hesablamalarına görə, TANAP Türkiyənin qaz ehtiyacının 12%-ni təmin edir.

Uzunluğu 1,85 min km olan TANAP "Mərhələ-2" çərçivəsində "Şahdəniz" yatağından hasil edilən Azərbaycan qazının Gürcüstan-Türkiyə sərhədindən Türkiyənin qərb sərhədlərinə nəqli üçün nəzərdə tutulub. Qaz kəmərinin ötürmə qabiliyyəti ən azı 16 milyard kubmetr təşkil edir. Bunun 10 milyard kubmetri Avropaya, 6 milyard kubmetri isə Türkiyənin qərb bölgələrinə ixrac üçün nəzərdə tutulub.