Azərbaycanın xurma ixracının 89% Rusiyanın payına düşüb

Azərbaycan 2022-ci ilin birinci rübündə 38.884 ton təzə xurma ixrac edib ki, bu da 2021-ci ilin yanvar-mart ayları ilə müqayisədə 8,2% azdır. Bu barədə Dövlət Statistika Komitəsi məlumat yayıb.  

İxrac edilən xurmanın dəyəri 29 milyon 533,91 min dollar (-7,3%) təşkil edib. İxrac edilən xurmanın  89% Rusiyaya göndərilib. 

Rusiya Azərbaycandan xurma ixracının əsas bazarı olaraq qalır. 2022-ci ilin yanvar-martında Rusiya Federasiyasına 28 milyon 457,38 min dollar məbləğində 34,606 min ton təzə xurma (-8,1%) ixrac edilib. 

Azərbaycan 2021-ci ildə 125 milyon 895,03 min dollar dəyərində 174,158 min ton təzə xurma ixrac edib. 

Bu məhsulların əsas ixracı Rusiyanın payına düşüb. 2021-ci ildə Rusiya Federasiyasına 117 milyon 123,66 min dollar məbləğində 142,89 min ton təzə xurma göndərilib.