AÇG-də hasil edilən mənfəət neftinin 60%-i Azərbaycanın payına düşür

"2022-ci il mayın 1-nə AÇG-dən 553 milyon ton neft hasil edilib. Bu həcmin 325 milyon tonu mənfəət neftinin payına düşür. Onun da 59 faizi Azərbaycanın mənfəət neftidir.  Son illər Azərbaycan mənfəət neftində payı 70%-a çatıb”, -  Yusifzadə cümə günü Bakı Enerji Forumunda bildirib.

Onun sözlərinə görə,  Azəri-Çıraq-Günəşli yataqlarından  mayın 1-ə  59 min ton neft və 40 milyon kubmetr qaz hasil olunub. Bu yataqların istismarına  43 milyard dollar sərmayə qoyulub. 

İxracdan danışan Yusifzadə vurğulayıb ki, bu gün Azərbaycandan neft ixracının ümumi həcmi 628 milyon tondur. Bunun 458 milyon tonu Bakı-Tbilisi-Ceyhan boru kəməri vasitəsilə ixrac edilib.

"Azəri”, "Çıraq” və "Günəşli”nin dərinsulu yataqlarının işlənməsi üzrə müqavilə 1994-cü ildə imzalanıb. Blokda neft hasilatı 1997-ci ilin noyabrında başlayıb.

Bu müqavilənin müddəti 2024-cü ildə başa çatır. Bununla belə, 2017-ci il sentyabrın 14-də Bakıda AÇG blokunun işlənməsi üzrə 2050-ci ilə qədər hesablanmış yeni müqavilə imzalanıb.

Yeni müqaviləyə əsasən, BP-nin (layihə operatoru) payı 30,37%, Azərbaycan Dövlət Neft Şirkəti - 25%, Macarıstanın MOL - 9,57%, Amerikanın ExxonMobil - 6,79%, Hindistanın ONGC - 2,31%, Yaponiyanın Inpex Corp. və Itochu Oil - müvafiq olaraq 9,31% və 3,65%, Norwegian Equinor - 7,27%, Türkiyənin TPAO - 5,73%-dir.

2021-ci ildə ACG blokundan təxminən 167 milyon barel hasil edilib.