Azərbaycana pul köçürmələri 2,3 dəfə artıb

"2022-ci ilin birinci yarısında Azərbaycana daxil olan pul köçürmələrinin həcmi 2021-ci ilin müvafiq dövrü ilə müqayisədə 2,3 dəfə artaraq 1,128 milyard dollar təşkil edib”, - deyə Mərkəzi Bankdan bildirilib.

Eyni zamanda, 2022-ci ilin birinci rübündə onların həcmi 211 milyon dollar, ikinci rübdə isə 917 milyon dollar təşkil edib.

2021-ci ildə fiziki şəxslərin Azərbaycana pul köçürmələri 1 milyard 133,391 milyon dollar təşkil edib ki, bu da 2020-ci illə müqayisədə 3,6% çoxdur.