AYİB Azərbaycan şirkətinə kredit ayırıb

Bankın məlumatına  görə, kredit üç elementdən ibarət olacaq: 1 milyon dollar şirkətin cari borcunun yenidən maliyyələşdirilməsinə, 1,9 milyon dollar müəssisənin emal və enerji səmərəliliyinin artırılmasına, 1,3 milyon dollar akkumulyator qırıntılarının alınmasına xərclənəcək.

Kredit cəlb etməklə, AZ-LEAD MMC təkrar qurğuşun istehsalı üzrə gücü hazırkı 7,2 min tondan 17,3 min tona qaldırmağı  planlaşdırır.

Layihənin ümumi dəyəri 4,4 milyon dollardır.

AZ-LEAD MMC Azərbaycanda istismar müddətini başa vurmuş qurğuşun-turşu akkumulyatorlarının emalı yolu ilə ikinci dərəcəli təmizlənmiş qurğuşun istehsalı ilə məşğuldur. Müəssisə 2014-cü ildə yaradılıb və  Sumqayıtda fəaliyyət göstərir. 

Azərbaycan 1992-ci ildən AYİB-in üzvüdür.

 

Əməkdaşlıq dövründə bank 184 layihənin həyata keçirilməsi üçün Azərbaycana 3,8 milyard avroya yaxın kreditin ayrılmasını təsdiqləyib. Hazırda bankın Azərbaycandakı aktiv portfelinə 32 layihə daxildir. Bu layihələrin icrasına bank tərəfindən 881 milyon avro ayrılıb.