Yanvarda BTC ilə tranzit neftinin ixracı azalıb
20.02.2023 21:34
2023-cü ilin yanvarında Bakı-Tbilisi-Ceyhan (BTC) boru kəməri ilə nəql edilən neftin həcmi 2 milyon 533,5 min ton təşkil edib ki, bu da 2022-ci ilin yanvarıı ilə müqayisədə 10,2% çoxdur. Bu barədə Dövlət Statistika Komitəsi xəbər verib.
2023-cü ilin yanvarında Azərbaycanın magistral neft kəmərləri ilə nəql olunmuş neftin ümumi həcminin 77,8 faizi BTC neft kəməri ilə vurulub.
Agentliyin məlumatına görə, 2023-cü ilin yanvarında BTC ilə vurulan tranzit neft 370,6 min ton (azalma 13,8%) təşkil edib.
2022-ci ildə BTC boru kəməri ilə vurulan neftin həcmi 29 milyon 749,6 min ton (artım 12,6%), o cümlədən 5 milyon 103,9 min ton tranzit neft (+ 41,8%) təşkil edib.
Hazırda BTC neft kəməri ilə "Azəri-Çıraq-Günəşli” yataqlar blokundan neft və "Şahdəniz” yatağından hasil edilən kondensat, həmçinin SOCAR nefti nəql edilir. BTC ilə Xəzər dənizi regionunun başqa ölkələrində hasil edilən neft də dünya bazarıma ixrac olunur.
BTC neft kəmərinin uzunluğu 1768 min km-dir. Bunun 443 km-i Azərbaycanda, 249 km-i Gürcüstanda, 1076 km-i Türkiyədən keçir. Kəmərin ötürmə qabiliyyəti ildə 50 milyon ton təşkil edir. .
BTC Co.-nun səhmdarları BP (30,1%); SOCAR (25%); MOL (8,9%); Equinor (8,71%); TPAO (6,53%); ENI (5%); Itochu (3,4%); ExxonMobil (2,5%); INPEX (2,5%), TotalEnergies (5%) və ONGCVidesh (2,36%) şirkətləridir.
N.Təbrizli
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
İqtisadiyyat 11:53
PAŞA Bank 12-ci AMFA Konfransında maliyyə inklüzivliyinin genişləndirilməsi imkanlarını müzakirə edib
Foto
Video
