DSMF-nin xərcləri açıqlanıb

2023-cü ilin yanvar-iyulunda Dövlət Sosial Müdafiə Fondunun (DSMF) xərcləri 460 milyon manat artaraq 3 milyard 513 milyon manat olub. Bu barədə Əmək və Əhalinin Sosial Müdafiəsi Nazirliyindən məlumat verilib.

Bildirilir ki, DSMF-nin gəlirləri bu ilin 7 ayında proqnozla müqayisədə 7 faiz və ya 243 milyon manat çox olmaqla 3 milrad 848 miyon manat təşkil edib.

 

Cari ildə DSMF-nin xərcləri 3 milyrad 513 milyon manat təşkil edib ki, bu da ötən ilin müvafiq dövrü ilə müqayisədə 460 milyon manat çoxdur.

 

Dövlət Sosial Müdafiə Fondunun (DSMF) gəlirləri və xərcləri bu il Milli Məclisdə müzakirə olunaraq, gəlirlərinin 4 milyon manat artırılaraq 6 milyard 263 milyon 970 min manatdan 6 milyard 267 milyon 970 min manata, xərclərinin də müvafiq olaraq 4 milyon manat artırılaraq 6 milyard 263 milyon 970 min manatdan 6 milyard 267 milyon 970 min manata qaldırılması təklif edilib. Qanun layihəsi səsverməyə çıxarılaraq birinci oxunuşda qəbul edilib