Avropa İttifaqı böhrana görə elektrik və qaz qiymətlərini rekkord həddə çatdırıb

2023-cü ilin birinci yarısında yaşayış evlərində 100 kilovat-saat elektrik enerjisinə görə  ödənilən orta məbləğ 28.9 avroya çataraq rekord qırıb, 2022-ci ilin birinci yarısında Aİ ölkələrində 100 kilovat-saat elektrik enerjisinə görə 25.3 avro ödənilib. Bu barədə Avropa Statistika İdarəsi 2023-cü ilin birinci yarısında Aİ ölkələrində yaşayış evlərində istehlak edilən elektrik enerjisi və təbii qaz qiymətləri ilə bağlı məlumatları dərc edib.

 

Cari ilin birinci yarısında Aİ-nin 22 ölkəsində elektrik enerjisinin qiyməti ötən ilin eyni dövrü ilə müqayisədə artıb.

Üzv ölkələr arasında elektrik enerjisi qiymətlərində ən yüksək artım Niderlandda müəyyən edilib. Rekord qiymət artımına 2022-ci ildə vergi endirimlərinin dayandırılması və ev təsərrüfatları üçün enerji vergilərinin artırılması səbəb olub.

 

Ən ucuz elektrik enerjisi Bolqarıstanda satılıb. Bolqarıstanda 100 kilovat-saat elektrik enerjisinə görə 11.4 avro ödənildiyi halda, bu ölkəni 11.6 avro ilə Macarıstan və 12.6 avro ilə Malta izləyir.

Qazın ən çox bahalaşdığı ölkələr 139 faizlə Latviya, 134 faizlə Rumıniya, 103 faizlə Avstriya, 99 faizlə Niderland, 73 faizlə isə İrlandiya olub.

 

2024-cü ildə Avropada enerji böhranı yarana bilər. Bunu Türkiyənin xarici işlər naziri Hakan Fidan iyulun 31-də Ankarada azərbaycanlı həmkarı Ceyhun Bayramovla birgə keçirdiyi mətbuat konfransında söyləyib.

 

İyunun sonunda Norveçin ticarət və sənaye naziri Yan Kristian Vestre bildirib ki, Avropada qaz böhranı aradan qalxmayıb və bitməkdən çox uzaqdır. Bundan əlavə, hər hansı bir proqnoz hələ də mümkün deyil.