"Azərkosmos”un ümumi gəliri açıqlanıb

2013-cü ildə Azərbaycanın ilk peyki olan "Azerspace-1” telekommunikasiya peyki orbitə çıxarılıb. 2014-cü ildə "Azersky” Yerin uzaqdan müşahidə peyki, 2018-ci ildə isə "Azerspace-2” telekommunikasiya peyki orbitə çıxarılıb.

Hazırda "Azerspace-1” və "Azerspace-2” peykləri fəaliyyətdədir.

Departamentin məlumatına görə, 2023-cü ildə "Azerspace-1”in istehsalı ilə bağlı 206,2 milyon ABŞ dolları məbləğində kredit öhdəlikləri tam ödənilib. "Bunun 116,6 milyon dolları Azərbaycanın ilk telekommunikasiya peyki "Azerspace-1”in istehsalına, 89,6 milyon dolları isə orbital xidmətlərə aiddir. Ümumilikdə, "Azərkosmos” qlobal və regional peyk xidmətləri bazarında telekommunikasiya peykləri və kosmik həllər vasitəsilə Avropa, Afrika, Yaxın Şərq və Mərkəzi Asiyanın 50 ölkəsindən 200-dən çox müştəriyə xidmət göstərir”, - Rəqəmsal İnkişaf Nazirliyindən bildirilib.

Agentlik bildirir ki, Azərbaycan 2024-cü ilin əvvəlində "Azerspace-1” telekommunikasiya peykinin (C və Ku tezlikləri) yerləşdiyi 46° şərq uzunluğunda öz orbital mövqeyini əldə edib.

"Azərkosmos” 2010-cu ildə yaradılıb. Onun funksiyalarına peyklərin orbitə çıxarılması, telekommunikasiya xidmətlərinin göstərilməsi, xidmət almaq üçün sığorta şirkətlərinin seçilməsi, kosmik (peyk) operatorları ilə əməkdaşlığın qurulması və bu istiqamətdə müxtəlif tədqiqatların aparılması daxildir.