Qızılın qiyməti bahalaşıb

Aprelin 1-də dünya bazarında qızılın qiyməti bir unsiyası 3 150 ABŞ dollarına qədər bahalaşıb. Bu barədə London Əmtəə Birjasında qeyd olunub.

Məlumata görə, hazırda qızılın qiymət 3 130-3 145 ABŞ dolları arasında dəyişir. Konkret olaraq 999,9 əyar qızılın 1 qramının qiyməti 101 ABŞ dolları (təxminən 171 manat), 750 əyar qızılın 1 qramının qiyməti 76 ABŞ dolları (təxminən 130 manat), 585 əyar qızılın 1 qramının qiyməti isə 59 ABŞ dolları (təxminən 100 manat) təşkil edir.

Azərbaycanda qızıl hasilatı hazırda iki şirkət tərəfindən həyata keçirilir. O cümlədən, 1997-ci il avqustun 21-də Azərbaycan 6 yatağın işlənməsini nəzərdə tutan müqavilə imzalayıb. Müqavilədə Azərbaycanın payı 51%, Anglo Asian Mining PLC - 49% təşkil edir. Hazırda Anglo Asian Mining PLC Azərbaycanda 8 müqavilə sahəsinin işlənməsi hüququna malikdir.

Bundan əlavə, qızıl hasilatı Azərbaycan prezidenti İlham Əliyevin 11 fevral 2015-ci il tarixli fərmanı ilə yaradılmış "AzerGold” QSC tərəfindən həyata keçirilir.

Aytac