İşğaldan azad edilmiş rayonlarda tikintiyə ayrılan vəsait açıqlanıb

2025-ci ilin altı ayında işğaldan azad edilmiş rayonlarda tikinti-quraşdırma işlərinə 1 milyard 989 milyon 798 min manat vəsait sərf edilib. Bu barədə Dövlət Statistika Komitəsində qeyd olunub.

Hesabat dövründə ən çox vəsait Kəlbəcər 408 milyon 11 min manat ayrılıb.

Cari ilin yanvar-iyununda  Azərbaycanda bütün maliyyə mənbələrindən əsas kapitala 8 milyard 73.5 milyon manat vəsait yönəldilib ki, bunun da 6 milyard 313.5 milyon manatı tikinti quraşdırma işlərinə sərf edilib. 

2021-2024-cü illərdə işğaldan azad olunmuş ərazilərin yenidən qurulması və bərpası üçün dövlət büdcəsindən cəmi 17,6 milyard manat vəsait ayrılıb, o cümlədən 2024-cü ildə 5 milyard 347 milyon manat. 2025-ci ildə 4 milyard manat məbləğində vəsaitin ayrılması nəzərdə tutulub.

2023-cü illə müqayisədə işğaldan azad olunmuş ərazilərin yenidən qurulması və bərpasına ayrılmış vəsait 57,5 mln. manat və ya 1,2%, ödənilmiş vəsait isə 24,0 mln. manat və ya 0,5% artıb.

Hesabat dövründə işğaldan azad olunmuş ərazilərin yenidən qurulması və bərpası layihələrinə ödənilmiş vəsaitin (icra edilmiş) 74,4%-i (2023-cü ildə 76,6%) nəqliyyat infrastrukturuna yönəldilib.

Aytac