SOCAR “yaşıl” istiqrazlar üzrə ikinci faiz ödənişini həyata keçirib

SOCAR-ın “yaşıl” istiqrazları üzrə ikinci faiz ödənişi 8 sentyabr 2025-ci il tarixində həyata keçirilib. “SOCAR Capital”ın məlumatına görə, istiqraz sahiblərinin hesablarına ümumilikdə 3 milyon ABŞ dolları köçürülüb.

2025-ci il yanvarın 15-də buraxılmış və illik 6% gəlirliliyə malik “yaşıl” istiqrazlar 5 illik müddəti əhatə edir və hər üç aydan bir kupon ödənişi ilə təmin olunur. İstiqrazlar daxili bazarda böyük maraqla qarşılanıb və Bakı Fond Birjasında indiyə qədər 81 milyon dollarlıq ticarət həcmi qeydə alınıb.

SOCAR 2016-cı ildən bu yana investor və vətəndaşlara ümumilikdə 47,8 milyon dollar faiz ödənişi edib. İstiqrazlar bütün vergilərdən azaddır və müddət sonunda ümumilikdə 60 milyon dollar gəlir gətirməsi planlaşdırılır.