Son 5 ildə qeyri-neft ÜDM-də 63 faiz artım qeydə alınıb — Maliyyə naziri

Son beş ildə ölkənin ümumi daxili məhsulunda qeyri-neft sektorunun payı 63 faiz artıb. Bunu  maliyyə naziri Sahil Babayev 2026-ci il dövlət büdcəsi haqqında qanuna münasibət bildirərkən deyib. 

Nazir vurğulayıb ki, dövlət büdcəsinin hazırlanmasında neftdən asılılığın azaldılması və səmərəli xərcləmə mexanizmlərinə keçid əsas prioritetlər kimi müəyyən olunub.

“Büdcə siyasətində məqsəd neft gəlirlərindən asılılığı azaltmaq, qeyri-neft sektorunun və özəl təşəbbüslərin inkişafını dəstəkləməkdir. Bu istiqamətdə çərçivə artıq müəyyən edilib",— Babayev deyib.

Nazir həmçinin qeyd edib ki, Qarabağın bərpası və əhalinin təhlükəsiz şəkildə ora köçürülməsi istiqamətində işlər planlı şəkildə davam etdirilir.

“Bu layihələr həm sosial, həm də iqtisadi baxımdan ölkənin gələcək inkişafına ciddi töhfə verəcək,” — o əlavə edib.

Gülnar Nazimqızı