Azərbaycanda qeydiyyatda olan işsizlərin sayı açıqlanıb

2025-ci ilin noyabrın 1-i vəziyyətinə Dövlət Məşğulluq Agentliyinin yerli qurumlarında qeydiyyata alınmış işsiz şəxslərin sayı 237 min 900 nəfər olub. Bu barədə Dövlət Statistika Komitəsi məlumat yayıb.

Belə ki, onların 51,2%-ni qadınlar təşkil edib. İşsizlikdən sığorta ödənişinin orta aylıq məbləği 499,3 manat olub.

 2025-ci ilin ilk 10 ayında məşğulluq orqanları tərəfindən 158 min nəfər işsiz və işaxtaran şəxs işlə təmin edilib. Bunu əmək və əhalinin sosial müdafiəsi naziri Anar Əliyev 2026-ci ilin dövlət büdcəsinə münasibət bildirərkən deyib. 

Onun sözlərinə görə, 2026-cı ildə bu göstəricinin 170 min nəfərə yaxınlaşacağı gözlənilir.

Aytac