Polis 90-a yaxın axtarışda olan şəxsi saxlayıb

Yanvarın 8-də Azərbaycan ərazisində polis əməkdaşları tərəfindən 66 yeni, əvvəlki dövrlərdən isə 24 cinayətin açılması təmin olunub. Bu barədə Daxili İşlər Nazirliyinin Mətbuat Xidməti məlumat yayıb.

Məlumata görə, axtarışda olduğuna görə ümumilikdə 89 nəfər, o cümlədən borclu şəxs qismində axtarılan 72 nəfər saxlanılaraq aidiyyəti üzrə təhvil verilib.

Gün ərzində narkotiklərlə əlaqəli 39 fakt, həmçinin qanunsuz saxlanılan silah-sursatın götürülməsi və aşkarlanması ilə bağlı 65 fakt müəyyən edilib.

Bundan əlavə, cinayət törətməkdə şübhəli bilinən 75 nəfər saxlanılıb.

DİN bildirir ki, əməliyyat-axtarış tədbirləri ölkə üzrə davam etdirilir.

Gülnar