İranın Dubaya vəsait köçürdüyünə dair iddialar yayılıb

İranın ali rəhbəri Seyid Əli Xameneyi və onun ətrafının son iki gündə Dubaya 1,5 milyard dollar köçürməsi barədə iddia yayılıb. Bu barədə İsrailin “Kanal 14” televiziya kanalı məlumat verib. 

Telekanalın məlumatına görə, köçürmələrdə yüksək vəzifəli iranlı rəsmilərlə yanaşı, ali rəhbərin oğlu Mojtaba Xameneyi də iştirak edib və vəsaitlər Dubaydakı şərti hesablara yönəldilib.

Bu arada, Pentaqonun sabiq müşaviri, polkovnik Douglas Macgregor iddia edib ki, Mojtaba Xameneyi Dubayda sığınacaq əldə etməyə çalışır.

İran hakimiyyəti bu məlumatlara münasibət bildirməyib. Reuters iddiaları müstəqil şəkildə təsdiqləyə bilməyib.

N.Təbrizli