Bakı və Vaşinqton enerji tərəfdaşlığının yeni mərhələsini müzakirə edib

Azərbaycan və ABŞ arasında enerji tərəfdaşlığının yeni mərhələdə inkişafı istiqamətində əməkdaşlıq imkanları dəyərləndirilib.

Energetika naziri Pərviz Şahbazov “X” sosial şəbəkəsində paylaşımında bildirib ki, ABŞ Ticarət Palatasının Azərbaycana biznes missiyası çərçivəsində Palatanın Yaxın Şərq və Türkiyə üzrə baş vitse-prezidenti Kuş Çoksinin rəhbərlik etdiyi nümayəndə heyəti ilə görüş keçirilib.

Nazirin sözlərinə görə, görüşdə Azərbaycan–ABŞ enerji tərəfdaşlığının perspektivləri və yeni əməkdaşlıq istiqamətləri müzakirə olunub.