Yelo Bank-da ilk "Yelo İnvestisiya Paneli" keçirilib

İnvestisiya dünyası əslində hər birimiz üçün yeni imkanlar və fərqli bir gələcək deməkdir. Yelo Bank əməkdaşlarının bu sahədəki biliklərini artırmaq və onlara yeni maliyyə üfüqləri açmaq məqsədilə ilk 'Yelo İnvestisiya Paneli' tədbirini keçirib.

Tədbirin əsas hədəfi investisiya haqqında olan miflərə son qoymaq və hər kəs üçün əlçatan yolları göstərmək idi. Tədbirdə ölkənin aparıcı maliyyə qurumlarının ekspertləri öz bilik və təcrübələrini iştirakçılarla bölüşüblər.

Müzakirələrin təməlini Bakı Fond Birjasının nümayəndələri Fərhad Mansurov və Nigar Ağahüseynova qoyaraq, ölkədə mövcud olan investisiya mühiti və birja ticarətinin incəlikləri haqqında ətraflı məlumat veriblər. İnvestisiya alətlərinin çeşidləri və gəlir gətirən imkanlar barədə isə "Unicapital"ın direktoru Tofiq Həsənov çıxış edərək, iştirakçılara hansı vasitələrlə qazanc əldə etməyin yollarını izah edib.

Nəzəriyyəni real təcrübə ilə birləşdirən "SOCAR Capital"ın Baş investisiya direktoru Tolqa Kotan, illərin praktiki addımlarına əsaslanan çıxışı ilə investisiya yolunda qarşıya çıxan çağırışlardan və uğurlu strategiyalardan bəhs edib. Tədbirin ana mesajı isə Yelo Bank-ın Baş məhsul sahibi Elsevər Quliyevin təqdimatında öz əksini tapıb: “İnvestisiya: Pul işləsin, sən yox”.

Təqdimatlardan sonra tədbir daha dinamik müstəviyə – ekspertlərin panel müzakirəsinə keçid alıb. Paneldə Tolga Kotan (SOCAR Capital), Tofiq Həsənov (Unicapital) və Fərhad Mansurov (Bakı Fond Birjası) bir araya gəliblər. Bu bölümdə spikerlər öz praktik addımlarını və illərin sınağından keçmiş strategiyalarını iştirakçılarla bölüşərək, investisiyaya başlamaq istəyənlərin aktual suallarını canlı şəkildə cavablandırıblar.

Yelo Bank müştərilərinin maliyyə savadlılığını artırmaq və onlara parlaq gələcək qurmaqda dəstək olmaq üçün bu növ maarifləndirici tədbirləri davam etdirəcək.

 
Bankdan online tez kredit əldə etmək istəyirsiniz? O zaman 981 nömrəsinə zəng edin və ya Facebook, Instagram , Whatsapp və yelo.az hesablarımızı ziyarət edin.

Yelo Bank – Parlaq bankçılıq!