Azərbaycan IE Hub-ı insan kapitalına strateji investisiya sayır

Azərbaycan Bakıda yaradılan IE Hub-u insan kapitalına strateji investisiya və iqtisadiyyatın diversifikasiyası istiqamətində mühüm addım hesab edir, iqtisadiyyat nazirinin birinci müavini Elnur Əliyev bildirib.

O qeyd edib ki, yollar, limanlar və sənaye parkları kimi infrastruktur layihələri güclü insan kapitalı olmadan davamlı inkişaf edə bilməz. 

“Yollar, limanlar və texnologiyalar vacibdir, lakin insanlar olmadan onlar sadəcə infrastruktur olaraq qalır. Güclü insan kapitalı ilə inkişafı mühərrikə çevrilirlər”, — o deyib.

Onun sözlərinə görə, SOCAR və beynəlxalq tərəfdaşların iştirakı ilə həyata keçirilən IE Hub layihəsi dövlət, biznes və beynəlxalq qurumlar arasında əməkdaşlığın uğurlu nümunəsidir.

Əliyev bildirib ki, təşəbbüs Azərbaycan ilə İspaniya arasında münasibətlərə yeni məzmun qazandırır. Bu münasibətlər artıq ticarət, investisiya, enerji, nəqliyyat və texnologiya sahələrini əhatə edir.

O qeyd edib ki, prezident İlham Əliyev və İspaniyanın baş naziri Pedro Sançes səviyyəsində razılaşdırılan Azərbaycan-İspaniya universitetinin yaradılması ikitərəfli əməkdaşlıqda mühüm mərhələ olacaq.

Əliyevin sözlərinə görə, IE Hub Azərbaycana beynəlxalq təcrübə, müasir düşüncə və praktiki liderlik bacarıqları gətirəcək.

O əlavə edib ki, süni intellekt və rəqəmsallaşmanın sürətləndiyi qlobal iqtisadiyyatda ölkələrin uğuru daha çox bilik və innovasiyalardan asılı olacaq.

N.Təbrizli