2027-ci ilin sonunadək Azərbaycanda 250 meqavatlıq külək stansiyası istifadəyə veriləcək

2027-ci ilin sonunadək ümumi gücü 250 meqavatt olan yeni külək elektrik stansiyasının istismara verilməsi nəzərdə tutulur. Bunu Energetika Nazirliyi yanında Bərpa Olunan Enerji Mənbələri Dövlət Agentliyinin direktor müavini Rəna Hümbətov bildirib.

Agentlik rəsmisinin bildirdiyinə görə, əsas prioritet ölkənin günəş enerji potensialının inkişafıdır. Bu çərçivədə “Qaradağ”, “Şəfəq”, “Üfüq”, “Şəms” və digər günəş elektrik stansiyalarının da 2027-ci ilin sonunadək istifadəyə verilməsi planlaşdırılır.

O Qeyd edib ki, imzalanmış investisiya müqavilələri əsasında 2026-cı ilin sonunadək ən azı dörd enerji stansiyasının istismara verilməsi hədəflənir. Bunlara 445 meqavat gücündə böyük günəş elektrik stansiyası və hərrac mexanizmi əsasında bu ilin sonunadək istifadəyə verilməsi planlaşdırılan “Qobustan” Günəş Elektrik Stansiyası daxildir.

Bundan başqa, hər biri 25 meqavatt gücündə olan “Şams-1” və “Nobel Energy” günəş elektrik stansiyalarının da aktiv yaşıl enerji zonasında inşa edildiyi qeyd olunub. “Şams-1” layihəsi yerli investorların iştirakı ilə Azərbaycan Yaşıl Enerji Şirkəti tərəfindən həyata keçirilir.

Aytac