Valeh Ələsgərov: Ələt Zonasının üstünlüyü ixracyönümlü istehsaldır

Ələt Azad İqtisadi Zonasının əsas üstünlüyü yüksək əlavə dəyər yaradan və ixracyönümlü istehsal müəssisələrinə fokuslanmasıdır. Bunu Ələt Azad İqtisadi Zonası İdarə Heyətinin sədri Valeh Ələsgərov II Azərbaycan Beynəlxalq İnvestisiya Forumunda deyib.

Onun sözlərinə görə, zona Şimal-Cənub və Şərq-Qərb nəqliyyat dəhlizlərinin kəsişməsində yerləşdiyindən investorlar üçün avtomobil, dəmir yolu və dəniz nəqliyyatı imkanları təqdim edir.

Ələsgərov bildirib ki, zonanın digər mühüm üstünlüyü ayrıca qanunvericilik bazasının olmasıdır. Onun sözlərinə görə, Ələt Azad İqtisadi Zonasının fəaliyyəti ayrıca qanunla tənzimlənir ki, bu da investorlar üçün əhəmiyyətli amildir.

Aytac