“Azeri Light” neftinin qiyməti 125 dollara yaxınlaşıb

Dünya bazarında Azərbaycan neftinin “Azeri Light” markasının bir barelinin qiyməti 5,5 dollar və ya 4,61% artaraq 124,76 dollara yüksəlib.

Hərracların nəticələrinə görə, “Brent” markalı neftin dekabr fyuçerslərinin qiyməti 127,11 dollar təşkil edib.

Türkiyənin Ceyhan limanında FOB bazasında “Azeri Light”ın bir barelinin qiyməti isə 5,04 dollar və ya 4,48% artaraq 117,33 dollar olub.

Azərbaycanın 2026-cı il dövlət büdcəsində bir barel neftin orta qiyməti 65 dollar götürülüb.

Arxa plan: “Azeri Light” “Azəri-Çıraq-Günəşli” (AÇG) yataqlar blokunun işlənməsi çərçivəsində hasil olunur. AÇG-də SOCAR-ın payı 35,3%-dir. “Azeri Light”ın tarixi minimum qiyməti 2020-ci il aprelin 21-də 15,81 dollar, maksimum qiyməti isə 2008-ci ilin iyulunda 149,66 dollar olub.