Naxçıvan iqtisadiyyatına investisiya qoyuluşu 37 %-dən çox artıb

2026-cı ilin yanvar-sentyabrnda Naxçıvan Muxtar Respublikasında əsas kapitala 238,2 milyon manat vəsait yönəldilib. Bu barədə Naxçıvanın Nazirlər Kabinetindən bildirilib.

Məlumata görə, bu, ötən ilin eyni dövrü ilə müqayisədə 37,4 % çoxdur.

Ötən 9 ayda investisiya qoyuluşunun 48,9 %-i məhsul istehsalı sahələrinə, 11,4 %-i xidmət sahələrinə, 39,7 %-i isə yaşayış evlərinin tikintisinə sərf olunub.

Əsas kapitala vəsait qoyuluşunun 198,5 milyon manatı və yaxud 83,3 %-i tikinti-quraşdırma işlərinin payına düşmüşdür ki, bu da 1 il əvvələ nisbətən 41,9 % çoxdur.

8 ay ərzində Azərbaycanda əsas kapitala 14 milyard 688,6 milyon manat investisiya yönəldilib. Bu, ötən ilin eyni dövrü ilə müqayisədə real ifadədə 10,9 % çoxdur. O cümlədən, son 1 ildə qeyri-neft-qaz sektoruna investisiya qoyuluşu 3,1 % artaraq 9 milyard 813,4 milyon manat təşkil edib.