Ermənistan ordusunun rəhbərliyi Qarabağda bu günlərdə keçirdiyi və «əks-hücum planı» adlandırdığı hərbi təlimlərdən məmnun qaldığını bildirib.
Bunu bir sıra erməni KİV-ləri də üstörtülü qeyd edirlər. Məsələn, Ermənistanın populyar portalı "1in.am" Sarkisyanın Avropa Şurası ilə bağladığı və İrəvanda qələbə kimi dəyərləndirilən tərəfdaşlıq sazişinə, həmçinin KTMT-nin Qarabağ münaqişəsi ilə verdiyi bəyanata işarə edərək bunun əslində Azərbaycana müharibə başlamamaq üçün tövsiyyə olduğunu bildirir:
"Bakının müharibə başlamaq istəyinin legitimliyi sıxışdırılıb. Amma başqa tərəfdən, İrəvanın diplomatik qələbə saydığı məsələ yalnız statusa-kvonun saxlanmasına yönəlib və münaqişəni (Ermənistan üçün) əlverişli tənzimlənməsinə zəmanət vermir. Təsadüfi deyil ki, Serj Sarkisyan periodik olaraq ağrılı qərarlardan danışır".
Məsələn Ermənistan Milli Elmlər Akademiyasının Şərqşünaslıq İnstitutunun direktoru Ruben Safrastyan bu gün keçirdiyi mətbuat konfransında Azərbaycanın hətta İrəvana belə hücum edə biləcəyini vurğulayıb. O, Azərbaycanın Naxçıvanda güclü hərbi potensial topladığına işarə edərək həm Ermənistanın hərbi gücünü artırmağa, həm də diplotik sahədə fəaliyyət göstərməyə çağırıb.
www.anews.az
Bizi sosial şəbəkələrdə izləyin !
