Rusiyanın ən iri desant gəmilərindən birinin komandiri Ukraynada öldürülüb
18.04.2022 23:03
"Sezar Kunikov" böyük desant gəmisinin komandiri, üçüncü dərəcəli kapitan Aleksandr Çirva Ukraynada döyüş zamanı aldığı yaralardan ölüb, Sevastopolum qubernatoru Mixail Razvojayev bildirib.
"Aleksandr Çirva Ukraynada neonasistlərlə döyüşdə aldığı yaralardan öldü. Onun cəsarəti, peşəkarlığı və təcrübəsi ekipaj üzvlərinin həyatını xilas etdi", - Razvojaev Telegram kanalında yazıb.
Qubernatorun sözlərinə görə, Çirva Sevastopolda anadan olub, A.S.Popov adına Dəniz Radioelektronika İnstitutunun Hərbi Dəniz Qüvvələrinin "Dəniz Akademiyası" VUNTS filialını bitirib. 2015 və 2016-cı illərdə Çirva Suriyada keçirilən xüsusi əməliyyatda iştirak edib.
Fevralın 24-dən Rusiya Ukraynada hərbi əməliyyatlar keçirir.Nəticədə yüzlərlə mülki əhali öldürülüb,şəhərlər dağıdılıb.
Ukrayna Silahlı Qüvvələri martın 29-da Berdyansk limanında Rusiyaya məxsus "Saratov" desant gəmisini məhv edib. Həmin vaxt daha iki iri desant gəmisi - "Novoçerkassk” və "Sezar Kunikov”un da zədələndiyi bildirilirdi. Məhz A.Çirvanın da həmin vaxt ağır yaralandığı ehtimal olunur.
Gülnar Nazimqızı
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
