Vatsapdan daha bir yenilik

Vatsap messencerinin tərtibatçıları istifadəçilərə e-poçtu öz hesablarına bağlamağa imkan verən yeni funksiyaya giriş açıblar.

Xarici KİV xəbər verir ki, bu, mobil əlaqə olmadıqda faydalı ola biləcək telefon nömrəsindən istifadə üçün əlavə seçimdir.

Hesabın elektron poçtla yoxlanılması funksiyası vatsapda ilk dəfə qeydiyyatdan keçərkən SMS vasitəsilə alınan PİN kodun daxil edilməsi ehtiyacını əvəz etmir. Yenilik yalnız telefon nömrəsindən istifadə etmədən cihazdakı mövcud hesaba daxil olma prosesini sadələşdirir. SİM karta və ya mobil bağlantıya çıxışınız yoxdursa, bu faydalı ola bilər.

Qeyd olunur ki, həmsöhbətlər istifadəçinin e-poçt ünvanını görə bilməyəcək.