“WhatsApp”a daha bir funksiya gəlir
19.08.2024 18:23
"WhatsApp” tərtibatçıları naməlum istifadəçilərin mesajlarını bloklamağa imkan verəcək yeni funksiya əlavə etməyi planlaşdırır.Bu barədə "WABetaInfo” portalı məlumat yayıb.
Portalın məlumatına görə, bu funksiya "WhatsApp”ın Android 2.24.17.24 beta versiyasında tətbiq edilib. O, istifadəçilərə naməlum şəxslərin sayı müəyyən edilmiş həddi keçdikdə onların mesajlarını avtomatik bloklamağa imkan verir.
Yeniliyin məqsədi istifadəçiləri arzuolunmaz və potensial təhlükəli mesajlardan, həmçinin spamdan qorumaqdır.
Hazırda "WhatsApp” şübhəli mesajları və kütləvi poçt göndərişlərini aşkar etmək və filtrləmək üçün artıq avtomatlaşdırılmış vasitələrdən istifadə edir. Yeni funksiya istifadəçilərə naməlum hesablardan gələn mesajları aktiv şəkildə bloklamağa imkan verməklə onlara əlavə qorunma təbəqəsi təqdim edəcək. Bu, fişinq və zərərli proqram təminatı ilə cihazın yoluxması ilə bağlı riskləri minimuma endirməyə kömək edəcək.
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
