İraqın türkmənlər yaşayan Əmirli şəhəri iki ay idi ki, İslam dövləti silahlılarının mühasirəsində idi.ANS PRESS-in məlumatına görə, iki aydan artıq davam edən mühasirə isə bir neçə gün əvvəl yarılıb və hərbçilər hələ də şiə türkmənlərinin şəhərini mühafizə etməkdədirlər.Əmirli şəhərində 15 minədək türkmən yaşayır. Onların dili Azərbaycan dilinə çox yaxındır.BBC Azərbaycancaya danışan türkmənlərdən biri yolları kəsən İslam Dövləti silahlılarının çəkildiyini desə də, ətrafda qalmış ola biləcək snayperlərdən irəli gələn təhlükənin hələ də sovuşmadığını vurğulayıb.Yerli xəstəxanada həkim işlədiyini deyən Saad Əmirli elektrik və sudan məhrum olmuş şəhərdə həyatın yenidən canlandığını deyib.O, az qala 3 ay davam edən mühasirə vaxtı “quyu suyundan içib, arpa çörəyi və xurma ilə keçinməli olduqları" şəhərə yenidən ərzaq gətirildiyini bildirib.Əmirlinin sözlərinə görə mühasirə günlərində yanacaqları olanlar generatorların istifadəsilə televizorları müvəqqəti cərəyana bağlayaraq son vəziyyət haqqında ərəbdilli kanallardan xəbər tuturdular.“Bizə ərəb xəbərləri ulaşırdı. Türkiyəyə baxan yox idi. Çünki Türkiyəni anlamırıq, dilini anlamırıq”.“Bizim dilimiz Azərbaycan dilinə yaxındır. İrandan İmam Rzaya, Kərbalaya, Nəcəfə ziyarətə gələnlərlə danışırıq. Çox yaxındır dilləri, çox yaxındır bizə, çox anlarıq”, - Saad bəy deyir.Həkim bizimlə telefonla danışarkən yol üstündə olduğunu və maşınla “doğuma getdiyini” söylədi.O, Əmirlidə tibb və nəqliyyat xidmətlərinin yenidən işləməyə başladığını desə də, təhsillə bağlı problemlərin qaldığını deyib.Saad bəy deyir ki, məktəblərdə şəhəri müdafiə edən hərbçilər yerləşdirildiyi üçün uşaqlar dərslərə başlaya bilməyiblər.“Məktəblərin hamısı bağlanıbdır, məktəb yoxdur. Məktəblərə döyüşənlər girdi. Yardım etməyə gələnləri qoymuşuq məktəbə”.Saad Əmirli döyüşlərdə İranın dəstəklədiyi şiə silahlıları, İraq hərbiyyəsi , kürdlər, türkmənlərin eyni cəbhədə vuruşmasını İmam Hüseynə məhəbbətlə izah edib.“Bu partilər hamısı bir oldu, gəldilər döyüşdülər Əmirli xətri üçün. Heç kim Əmirli döyüşündə ərəb, türkmən, kürd arasında fərq qoymadı. Hamsı düşmən qarşısında bir oldu. Bunları birləşdirən imam Hüseynin məhəbbəti oldu. Bu adamı sevirlər, bunun xətrinə birlik oldu”.Əmirli uğurunda döyüşlər son aylar öz nüfuzunu genişləndirməyə nail olmuş İslam Dövləti əleyhinə ilk uğurlu əməliyyat hesab olunur.Bazar ertəsi BMT İraqın şimalında “qeyri-insani əməllərlə” bağlı iddiları araşdırmaq üçün İraqa öz heyətini göndərəcəyini bildirib.Özlərini İslam dövləti elan etmiş cihadçıların hücumları nəticəsində minlərlə adam öldürülüb, milyondan artıq adam evindən didərgin düşüb.ANN.Az